ASSAs

ZITTO AWAVAA HAZINA

317
0
Share:

Mbunge wa Kigoma mjini Zitto Kabwe ameeleza kwamba kwa mwaka wa fedha  2017/18, CAG amebaini jumla ya shilingi 678 bilioni zilizokusanywa na Mamlaka ya Mapato nchini (TRA) kwa niaba ya taasisi nyingine hazikuhamishwa kwenda kwenye taasisi husika, na badala yake zilihamishiwa kwa Katibu Mkuu wa Hazina.

 Zitto amesema Serikali inatakiwa kuzingatia Sheria na katika katika kusimamia fedora za Taasisi ambazo zimetengwa kisheria lakini Hazina imekuwa ikitumia fedha hizo bila kufata taratibu.

Zitto ameyasema hayo wakati akifanya uchambuzi wa ripoti iliyotolewa na Mdhibiti Mkuu na Mkaguzi wa Hesabu za Serikali, CAG, Prof Mussa Assad, ameongeza kwamba Licha ya fedha hizo kuchukuliwa na hazina, bado huko hazikuonekana kwenye ukaguzi kama sheria inavyotaka.

“Fedha zilizoporwa na hazina ni pamoja na shilingi 169 bilioni za Shirika la Reli, shilingi 168 bilioni za Wadau wa Korosho nchini na shilingi bilioni 16 za Wakala wa Umeme Vijijini (REA). CAG kwa mara nyingine tena amependekeza sheria iheshimiwa kuhusu matumizi ya fedha hizi za Taasisi mbalimbali”.

Ameongeza, “kwenye ripoti ya CAG ya mwaka 2016/17 kiasi cha shilingi 2.2 trilioni za mamlaka mbalimbali nchini hazikurejeshwa kwenye mamlaka husika mara baada ya fedha hizo kukusanywa na TRA. Tabia hii ya kupora Fedha za Mamlaka nyengine licha ya kwamba fedha hizo zimewekwa kisheria na kikatiba inaua misingi ya matumizi bora ya Fedha za Umma”.

Akitoa mapendekezo ya nini cha kufanya Zitto ameeleza kwamba, “hazina ihakikishe inazirejesha kwa wenye ada, tozo na mapato hayo ambayo TRA ilikusanya kwa niaba ya Idara, Wakala na Taasisi nyingine.

(Visited 14 times, 1 visits today)
Share this post