ASSAs

DKT. NDUGULILE ANENA MAKUBWA KATA YA KISARAWE II.

217
0
Share:

Mbunge wa jimbo la Kigamboni Ndugu Faustine Ndugulile (Mb) leo ameendelea na ziara yake mtaa kwa mtaa katika kata ya Kisarawe II kwa kutembelea mitaa ya Madege, Sharifu na Kichangani katika Kata ya Kisarawe II na kuongea na wananchi kwa lengo la kusikiliza kero na changamoto mbalimbali zinazowakabili katika maeneo yao.

Katika ziara hii, Mhe Mbunge aliwaeleza Wananchi hao kuhusu jitihada mbalimbali za kimaendeleo zilizozifanyika Jimboni, ikiwa ni pamoja na Mbunge kuwezesha kupatikana Tsh Milioni 75 kwa ajili ya ujenzi wa Mabweni ya sekondari ya Kisarawe II ,Kuwezesha kupatikana Tsh Milioni 90 kwa ajili ya ujenzi wa maktaba na madarasa na Kuwezesha kupatikana kwa kompyuta 10 zenye thamano ya Tsh millioni 15 kwa ajili ya Masomo ya Tehama katika shule hiyo. Lengo ni kuifanya Sekondari iwe na kidato cha tano na sita ifikapo mwaka 2020.

Mhe Mbunge aliipongeza Halmashauri ya Manispaa ya Kigamboni kwa kutenga zaidi Tsh 380,000,000 kwa miradi mbalimbali ya maendeleo.

Dkt Ndugulile alimshukuru Rais Dkt John Pombe Magufuli kwa kulipatia Jimbo la Kigamboni kiasi cha Tsh Billioni 90 ya ujenzi wa barabara za Kigamboni ikiwa ni pamoja na Barabara ya Kibada-Mwasonga-Kimbiji.

Mbunge alitumia mkutano kuhamasisha wana Kigamboni kujiandaa na chaguzi za Serikali za Mitaa kwa kuajindikisha kupiga kura pindi daftari la kupiga kura litakapofika Kigamboni na pia amewataka wananchi kujisajili kwa lengo la kupata vitambulisho vya uraia.

(Visited 26 times, 1 visits today)
Share this post